XƏBƏR LENTİ
01 Aprel 2023
31 Mart 2023
30 Mart 2023
29 Mart 2023
28 Mart 2023



Könül Nurullayeva VI İslam Həmrəyliyi Oyunlarının Dəyərləndirmə komissiyasının üzvü seçilib
İdman 16:47 / 14.03.2023

Səudiyyə Ərəbistanının Ciddə şəhərində İslam Həmrəyliyi İdman Federasiyasının (İHİF) İcraiyyə Komitəsinin 34-cü iclası və növbədənkənar Baş Assambleyasının sessiyası keçirilib. Tədbirdə Türkiyənin gənclər və idman naziri Muharrem Kasapoğlu "Konya 2021” V İslam Həmrəyliyi Oyunları ilə bağlı hesabatla çıxış edib. Eyni zamanda İHİF-in Əsasnaməsinə dəyişikliklərin edilməsi ilə əlaqədar bir sıra önəmli məsələlər, həmçinin VI İslam Həmrəyliyi Oyunlarının keçirilməsi qaydaları ilə bağlı ən son yeniliklər müzakirə edilib.

Nasser Ayman Macali İslam Həmrəyliyi İdman Federasiyasının yeni baş katibi seçilib.

İclas zamanı 2018-2022-ci illəri əhatə edən maliyyə hesabatları Milli Olimpiya komitələrinin üzvlərinə ətraflı şəkildə təqdim olunub. İslam Əməkdaşlıq Təşkilatının Humanitar, mədəni və sosial məsələlər üzrə baş katibi Tariq Ali Baxit də öz fikirlərini Milli Olimpiya komitələrinin üzvlərinə çatdırıb.

Səudiyyə Ərəbistanında 2023-cü ildə Dünya Döyüş Oyunlarının keçirilməsi ilə bağlı federasiya rəsmiləri tərəfindən təqdimat keçirilib.

Qurumun vitse-prezidenti mərhum Əhməd Foulinin ailə üzvlərinə, eyni zamanda sabiq baş katibləri Mohammad Qazdar və Mohammad Alqarnasa təşkilatın fəaliyyətinə verdikləri töhfəyə görə mükafatlar təqdim olunub. Növbəti seçki hesabatı konfransının cari ilin avqustunda Səudiyyə Ərəbistanının Riyad şəhərində keçirilməsi qərara alınıb.

Azərbaycan Milli Olimpiya Komitəsinin vitse-prezidenti Çingiz Hüseynzadə, baş katib Azər Əliyev Azərbaycan nümayəndə heyətində təmsil olunublar. İHİF İcraiyyə Komitəsinin üzvü Könül Nurullayeva toplantı zamanı növbəti İslam Həmrəyliyi Oyunlarına ev sahibliyi etmək arzusunda olan ölkələrin hazırlıq səviyyəsini müəyyən etmək üçün yaradılan Dəyərləndirmə və Yoxlama Komissiyasının üzvü seçilib. Könül Nurullayeva, həmçinin toplantı çərçivəsində İHİF-in prezidenti Şəhzadə Abdulaziz Bin Turki Al-Faisal Al Saud ilə görüşüb.


1068 oxunub

InvestAZ