İdman 01:16 / 30.07.2021
Tokio-2020 Yay Olimpiya Oyunları davam edir. Bu gün Azərbaycanın daha 3 idmançısı Olimpiadada mübarizə apaacaq. İdmançılarımızdan ikisi cüdo, biri isə boks yarışlarında gücünü sınayacaq. Cüdo yarışlarının son günündə 1 qadın və 1 kişi cüdoçumuz tatami üzərinə çıxacaq. Kişilərin mübarizəsində Uşangi Kokauri (+100 kq), qadınların yarışında isə İrina Kindzerska (+78 kq) medallar uğrunda yarışacaqlar.
Mübarizəyə 1/16 finaldan başlayacaq Uşangi Kokauri 1/16 finalda polşalı Matsey Sarnaçki ilə qarşılaşacaq. Xanım cüdoçumuz isə İzayana Marenko (Nikaraqua) / Larisa Tseriç (Bosniya və Herseqovina) cütünün qalibi ilə üz-üzə gələcək.
Günorta radələrində isə boksçumuz Alfonso Dominges rinqə çıxacaq. 81 kq çəki dərəcəsində çıxış edəcək dəri əlcək ustamız 1/4 finalda türkiyəli Bayram Malkanla qarşılaşacaq.
Xatırladaq ki, A.Dominges ilk görüşündə özbəkistanlı Dilşodbek Ruzmetovu məğlub etmişdi. Boksçumuz türkliyəli rəqibini məğlub edəcəyi təqdirdə ən azı bürünc medalı özü üçün təmin edəcək.
25657 oxunub
