XƏBƏR LENTİ
21 İyun 2021
20 İyun 2021



Mourinyo özünə yeni iş yeri tapdı
İdman 13:00 / 05.05.2021
İtaliyanın "Roma" futbol komandasına növbəti mövsümdən Joze Mourinyo rəhbərlik edəcək. Bu barədə klubun rəsmi açıqlamasında bildirilir. Paytaxt təmsilçisi portuqaliyalı mütəxəssislə 3 illik müqavilə imzalayıb. O, bu vəzifədə mövsümün sonunda komanda ilə vidalaşacaq həmyerlisi Paulu Fonsekanı əvəzləyəcək.
Portuqaliyalı mütəxəssis ilk mövsümdə ümümilikdə 16 milyon avro qazanacaq. Təcrübəli baş məşqçi bu məbləğin 7,5 milyon avrosunu maaş kimi "canavarlar"dan, 8,5 milyon avrosunu isə təzminat kimi əvvəlki klubu olan "Tottenhem"dən alacaq.
Qeyd edək ki, son iş yeri İngiltərənin "Tottenhem" klubu olan Joze Mourinyo aprelin 19-da istefaya göndərilib. O, bu komanda ilə yanaşı, ölkəsində "Portu", İtaliyada "İnter", İspaniyada "Real Madrid", İngiltərədə "Çelsi" və "Mançester Yunayted"in də baş məşqçisi olub.


1773 oxunub

InvestAZ