İdman 01:23 / 19.07.2025
XVIII Avropa Gənclər Yay Olimpiya Festivalında (EYOF) iştirak edəcək Azərbaycanın ikinci nümayəndə heyəti yarışların keçiriləcəyi digər ölkəyə - Xorvatiyanın Osiek şəhərinə yola düşüb.
Olimpiyadunyasi.com xəbər verir ki, nümayəndə heyətinin tərkibində Milli Olimpiya Komitəsinin əməkdaşı ilə yanaşı, idman gimnastları və məşqçilər heyəti yer alıb.
Qeyd edək ki, EYOF-2025 çərçivəsində Azərbaycan ümumilikdə 10 idman növündə 52 (28 oğlan, 24 qız) idmançı ilə təmsil olunacaq.
Bu dəfəki festival əvvəlkilərdən fərqli olaraq iki ölkədə Şimali Makedoniya (Skopye və Kumanovo) və Xorvatiyada (Osiek) keçiriləcək.
Festivalın açılış mərasimi iyulun 20-də Yan Sandanski İdman Mərkəzində təşkil olunacaq.
Xatırladaq ki, ötən gün ilk nümayəndə heyətimiz festivalda iştirak etmək üçün Şimali Makedoniyanın Skopye şəhərinə yola düşmüşdü.
367 oxunub
