XƏBƏR LENTİ
19 İyul 2025
18 İyul 2025
15 İyul 2025
14 İyul 2025
11 İyul 2025
10 İyul 2025
09 İyul 2025
08 İyul 2025
07 İyul 2025
04 İyul 2025



Azərbaycanın daha üç hakiminin beynəlxalq kateqoriyası üç ulduza yüksəlib
İdman 15:43 / 17.04.2025

Boks üzrə Azərbaycan hakimləri Anar Nağdıyev, Rövşən Qədirov və Qalib Əbiyev növbəti hakimlik imtahanından uğurla keçiblər. 
Azərbaycan Boks Federasiyasının mətbuat xidmətindən verilən məlumata görə, ədalət təmsilçilərimizin beynəlxalq kateqoriyası iki ulduzdan üç ulduza artırılıb.
Bu nailiyyətə Rövşən Qədirovla Qalib Əbiyev Rumıniyanın Breila şəhərində təşkil olunan "Drakula Open”, Anar Nağdıyev Bolqarıstanın paytaxtı Sofiyada keçirilən "Strandja” beynəlxalq turnirində imza atıb. IBA yarışda nəzəri və praktiki dərslərdə iştirak edən həmyerlimizin imtahandan uğurla keçdiyini açıqlayaraq, onların ulduzunu artırıb.
Bununla da ölkəmizdə üç ulduzlu hakimlərin sayı altıya yüksəlib. Daha öncə Emil Qurbanəliyev, Anar Babanlı və Fuad Aslanov da bu kateqoriyaya yüksəliblər.
Qeyd edək ki, Azərbaycan Boks Federasiyası həm milli, həm də beynəlxalq kateqoriyaya malik hakimlərimizin peşəkarlıq səviyyəsinin artması, onların sayının çoxalması istiqamətində işləri davam etdirir.


5972 oxunub

InvestAZ