İdman 17:56 / 16.03.2025
Azərbaycan Basketbol Liqasında (ABL) 18-ci turun oyunları keçirilib. Azərbaycan Basketbol Federasiyasının mətbuat xidmətindən verilən məlumata görə, turun açılış oyununda B qrupunda yer alan "Quba” komandası 95:84 hesabı ilə Lənkəran səfərindən qalib ayrılıb. Qrupun növbəti oyunu Sumqayıtda təşkil olunub. Yerli komanda 96:104 hesabı ilə "Şəki”yə məğlub olub. B qrupunda mərkəzi oyun "Gəncə” və "Ordu” klubları arasında oynanılıb. Görüş "Gəncə”nin 84:74 hesablı qələbəsi ilə yekunlaşıb. A qrupunda "Sabah” 99:64 hesabı ilə "Abşeron” üzərində asan qələbə qazanıb. "Sərhədçi” İdman Mərkəzində isə "Naxçıvan” 68:66 hesabı ilə "Sərhədçi” üzərində çətin qələbə əldə edib. Turun bağlanış oyununda "Neftçi” 76:64 hesabı ilə NTD-dən güclü olub. Geridə qalmış 18 turdan sonra, A qrupunun vahid lideri "Sabah” klubudur. "Naxçıvan” ikinci, "Neftçi” isə 3-cü pillənin sahibidir. B qrupuna isə "Gəncə” və "Şəki” klubları şərikli liderlik edirlər. "Ordu” klubu B qrupunun ən güclü üçüncü komandasıdır.
5113 oxunub
