.jpg)
İdman 21:31 / 14.04.2024
Xorvatiyanın Poreç şəhərində keçirilən gənclər arasında Avropa birinciliyinə yekun vurulub. Azərbaycan Boks Federasiyasının mətbuat xidmətindən verilən məlumata görə, komandamız yarışı 2 qızıl medalla başa vurub. Komandamızın heyətində ilk olaraq Bilalhəbaşi Nəzərov Avropa çempionu tituluna layiq görülüb. 48 kq çəki dərəcəsində mübarizə aparan idmançımız finalda Oleksandr Zveryevlə (Ukrayna) döyüşüb. Hər 3 raundu xeyrinə başa vuran B.Nəzərov yekunda 5:0 (30:27, 30:27, 30:27, 30:27, 30:27) hesabı ilə qalib gələrək qızıl medala yiyələnib və Poreçdə Azərbaycanın Dövlət Himnini səsləndirib. Yığmamıza növbəti qızıl medalı 54 kq çəki dərəcəsində mübarizə aparan Ömər Aslanlı qazandırıb. Finalda ukraynalı Maksim Çekinlə üz-üzə gələn boksçumuz rəqibini 4:1 (30:27, 29:28, 30:27, 29:28, 28:29) hesabı ilə məğlub edib və Avropa çempionatının qızıl medalına yiyələnib.
8240 oxunub
.jpg)
.jpg)
