SON XƏBƏRLƏR

Löv məşqçiliyə dönüş ehtimalını dəyərləndirdi

MOK

13.05.2026, 10:14

2014-cü ildə Braziliyada keçirilən dünya çempionatında Almaniya millisinin heyətində dünya çempionu olan tanınmış mütəxəssis Yoahim Löv gələcək planları ilə bağlı danışıb.

66 yaşlı çalışdırıcı bildirib ki, indiyədək aldığı təkliflər arasında onu yenidən məşqçiliyə qaytaracaq qədər motivasiya edən variant olmayıb. “İndiyə qədər mənə edilən təkliflərdə daxilimdə o həvəsi hiss etməmişəm. Bəlkə məni həqiqətən həyəcanlandıracaq bir təklif gələr. Amma bunun çox da real olmadığını düşünürəm. Hələ də futbolu izləyirəm, amma artıq bir neçə ildir bu işdən uzağam və düşünürəm ki, futbol həqiqətən də çox dəyişib, inkişaf edib. Bəzən düşünürəm ki, yeni enerji və yeni ideyalarla gələn gənc məşqçilər daha doğru seçimdir. Mən çox şey yaşamış və realist baxsaq, artıq çox da böyük nailiyyət əldə edə bilməyəcək biriyəm”.