SON XƏBƏRLƏR

Usta cüdoçularımızın növbəti parlaq zəfəri

İdman

12.06.2023, 11:25

Komandamız Sloveniyada Avropa çempionu adını qazandı

Usta cüdoçular arasında keçirilən növbəti Avropa çempionatı Azərbaycan komandasının parlaq zəfəri ilə yadda qalıb. Yığmamız dörd gün davam edən yarışda 12 medal qazanıb. Çempionatın sonuncu günü komandamız üçün daha əlamətdar olub. Belə ki, 10 qat dünya, 9 qat Avropa çempionu Fərhad Rəcəblinin baş məşqçisi olduğu kişilərdən ibarət komandamız 30 yaşa qədər cüdoçular arasında Avropa çempionu olub. Veteranlarımız ilk görüşdə və yarımfinalda cüdoda zəngin ənənələri ilə fərqlənən Fransa komandalarını mübarizədən kənarlaşdırıblar. Həlledici görüşdə güclü Belçika yığmasına da 3:1 hesabı ilə üstün gələn cüdoçularımız çempionatın kubokuna və qızıl medallarına sahib çıxıblar.

Qeyd edək ki, yarışın ilk üç günündə keçirilən fərdi yarışlarda usta cüdoçularımız 4 qızıl, 2 gümüş və 5 bürünc medal əldə ediblər.

Komandamıza qızıl medalları Babək Hacıyev (M4, -60), Vüqar Budaqov (M4, -73 kq), Zülfüqar Hüseynov (M3, -81 kq) və Fərhad Rəcəbli (M7, -90 kq) qazandırıblar. Rəşid Şəmizadə (M1, -66 kq) və Vasif İbrahimov (M2, +100 kq) gümüş, Vüqar Babayev (M2, -66 kq), Məmməd Məmmədov (M1, -73 kq), Qurban Məmmədli (M1, +100 kq), Ruslan Əliyev (M2, +100 kq) və Qabil Qasımov (M6, +100 kq) isə bürünc medallara layiq görülüblər.

Xatırladaq ki, Avropa çempionatında böyük uğura nail olan usta cüdoçularımız yarışa paytaxtımızın ən müasir idman klublarından olan "Judo Club 2012”də hazırlaşıblar. Klubun təsisçisi, Azərbaycan Cüdo Veteranları Assosiasiyasının prezidenti, usta cüdoçular arasında dünya və Avropa çempionatlarının dəfələrlə qalibi və mükafatçısı olan Azər Əsgərovun da adı çempionatda iştirak edəcək idmançıların siyahısına daxil edilsə da, son anda müəyyən səbəblərə görə o, yarışa gedə bilməyib. Lakin cüdoçularımızın çempionatda uğurlu çıxışı və parlaq qələbəsi üçün lazımi dəstək göstərib.

Komandamızın qələbəsini yüksək dəyərləndirəm "Judo Club 2012”nin direktoru Mübariz Cəfərov deyib ki, veteran idmançılar üçün hərtərəfli şərait yaradılıb. Onlar müntəzəm olaraq burada məşq edir, yarışlara hazırlaşırlar.

Qeyd edək ki, 37 ölkədən 657 idmançının iştirak etdiyi yarışda Azərbaycan komandası 35 cüdoçu ilə təmsil olunub. Veteranlarımızın Avropa çempionatında qazandığı bu nailiyyəti "Judo Club 2012”nin də növbəti uğuru hesab etmək olar. "Judo Club 2012” ailəsi olaraq, Azərbaycan komandasının qələbəsi ilə fəxr edir, cüdoçularımıza qarşıdakı yarışlarda uğurlararzulayırıq!

Paylaşın

Dİgər xəbərlər

$\"Judo Club 2012\" klubunda ümumrespublika seminarı keçirilib $
09.06.2026, 11:53

"Judo Club 2012" klubunda ümumrespublika seminarı keçirilib

09.06.2026, 10:28

Millimiz bu gün San Marino yığması ilə qarşılaşacaq

08.06.2026, 19:52

AMADA-nın Müşahidə Şurasının növbəti iclası keçirilib

08.06.2026, 19:49

Şahmatçımızdan uğurlu başlanğıc

08.06.2026, 19:17

MPK-nın nümayəndə heyəti Avropa Paralimpiya Komitəsinin forumunda iştirak edib

08.06.2026, 19:08

Azərbaycan və Serbiya idman sahəsində əməkdaşlığı genişləndirəcək

08.06.2026, 18:17

Qəhrəmanlıq tariximizə şərəf qatanlar

08.06.2026, 16:28

Azərbaycan Həmkarlar İttifaqları Konfederasiyasının təşkilatçılığı ilə minifutbol turnirinə start verilib

08.06.2026, 15:57

Azərbaycanın kişi tennisçilərdən ibarət yığması “Davis Cup”da iştirak edəcək

08.06.2026, 15:38

Azərbaycan kanoeçisi Avropa çempionatında mübarizə aparacaq

08.06.2026, 15:28

Azərbaycan gimnastları Dünya Kuboku və AGF Trophy yarışlarında üç qızıl medal qazandılar

08.06.2026, 13:30

Millimizin baş məşqçisi Vyetnamda təlim keçib