Bakı Olimpiya Stadionunda “Qarabağ” və “Qalatasaray” komandaları arasında xeyriyyə oyunu keçirilib

İdman

26.03.2023, 22:15

Prezident İlham Əliyev və birinci xanım Mehriban Əliyeva stadionda oyuna baxıblar

Martın 26-da Bakı Olimpiya Stadionunda Ağdamın "Qarabağ” və İstanbulun "Qalatasaray” komandaları arasında xeyriyyə oyunu keçirilib.

Azərbaycan Respublikasının Prezidenti İlham Əliyev və birinci xanım Mehriban Əliyeva stadionda oyuna baxıblar.

FIFA referisi Əliyar Ağayevin idarə etdiyi oyunda "Qalatasaray” komandası erkən qolla hesabı açıb. Matçın 4-cü dəqiqəsində İstanbul təmsilçisinin heyətində Bafetimbi Qomis fərqlənib. Görüşün 19-cu dəqiqəsində "Qarabağ”ın oyunçusu Redon Cica hesabı bərabərləşdirib. "Qalatasaray” matçın 87-ci dəqiqəsində Mauro İkardinin 11 metrlik cərimə zərbəsindən vurduğu qol sayəsində yenidən hesabda irəli çıxıb. Bu, oyunda sonuncu qol olub. Beləliklə, "Qarabağ” – "Qalatasaray” xeyriyyə matçı İstanbul təmsilçisinin qələbəsi ilə başa çatıb - 1:2.

"Qalatasaray” futbol klubunun prezidenti Dursun Özbək Prezident İlham Əliyevə komandanın oyunçularının imzası olan formanı və digər xatirə hədiyyələrini tədqim etdi.

Bu oyun qardaş Türkiyədə baş vermiş "Əsrin fəlakəti”nin - güclü zəlzələnin fəsadlarının aradan qaldırılmasına yardım məqsədilə təşkil olunub. Görüşdən əldə olunacaq bütün gəlirlər zəlzələdən əziyyət çəkənlərə yardım üçün Türkiyəyə göndəriləcək. Oyun üçün satışa çıxarılmış 62 mindən çox biletin hamısının qısa müddətdə satılması bu qarşılaşmaya göstərilən böyük maraqla yanaşı, Azərbaycan xalqının çətin gündə qardaş Türkiyə ilə sarsılmaz həmrəylik nümayiş etdirməsinin də əyani təsdiqidir.

Paylaşın

Dİgər xəbərlər

11.09.2026, 18:56

İdman Qazaxda birləşir: Təcrübədən gələcəyə körpü

11.09.2026, 18:15

Yunan-Roma güləşçilərimiz toplanışa başlayırlar

11.09.2026, 17:03

Azərbaycan Atletika Federasiyasında hakimlərlə görüş keçirilib

10.09.2026, 15:08

Türkiyə yelkənçiləri Bakıda

10.09.2026, 14:38

Rəşad Nəbiyev yeniyetmə və gənclərdən ibarət milli komandaların üzvləri ilə görüşüb

10.09.2026, 13:31

Federasiya prezidenti yeniyetmə voleybolçularla görüşüb

10.09.2026, 11:40

Yelkən idmanı üzrə açıq Azərbaycan çempionatı keçiriləcək

10.09.2026, 11:40

Yelkən idmanı üzrə açıq Azərbaycan çempionatı keçiriləcək

10.09.2026, 10:17

Azərbaycan İdman Akademiyasında ekspert Ceyms Bidlin rəhbərliyi ilə dəyirmi masa keçirilib

09.09.2026, 13:50

Kata üzrə Azərbaycan çempionatı və birinciliyi keçiriləcək

09.09.2026, 01:11

Çempionlar Liqası: Liqa mərhələsinə start verildi

08.09.2026, 12:31

Velosipedçimiz Almatıda dördüncü oldu