İdman 09:20 / 01.12.2022
Qətərdə təşkil olunan futbol üzrə dünya çempionatı davam edir. Yarışların 12-ci günündə E və F qruplarında mübarizəyə yekun vurulacaq. Bununla da 1/8 finalın daha 4 iştirakçısının adına aydınlıq gələcək.
Günün ilk oyunları F qrupunda Bakı vaxtı ilə saat 19:00-da start götürcəcək. Burada Kanada Mərakeşi, Xorvatiya isə Belçikanı qəbul edəcək. Şimali Amerika təmsilçisinin mundialla vidalaşması dəqiqləşib. Digər 3 yığma isə 1/8 finala 2 vəsiqə uğrunda mübarizə aparacaq.
E qrupunun oyunları isə saat 23:00-da start götürəcək. Burada İspaniya millisi Yaponiya ilə, Almaniya yığması isə Kosta Rika ilə qarşılaşacaq. Bu qrupda hər bir ölkənin pley-off şansı davam edir.
Qeyd edək ki, daha əvvəl Fransa, Avstraliya, Niderland, Seneqal, İngiltərə, ABŞ, Portuqaliya, Braziliya, Argentina və Polşa yığmaları 1/8 finala vəsiqə qazanıblar.
11393 oxunub
.jpg)
