UEFA Çempionlar Liqasında (ÇL) 1/8 finalın daha iki cavab oyunu keçirilib. "Mançester Siti" İngiltərədə Almaniyanın "Leyptsiq" klubunu qəbul edib. İlk görüşdə 1:1 hesablı heç-heçəyə razılaşan "şəhərlilər" evdə rəqibinə 7 cavabsız qolla qalib gələrək 1/4 finala yüksəlib.
Digər matçda isə İtaliyanın "İnter" komandası Portuqaliyada "Portu" ilə qolsuz heç-heçə etməklə adını növbəti mərhələyə yazdırıb. Milan təmsilçisi evdəki ilk qarşılaşmada 1:0 hesablı qələbə qazanmışdı.
Qeyd edək ki, daha əvvəl Portuqaliyanın "Benfika", İngiltərənin "Çelsi", İtaliyanın "Milan" və Almaniyanın "Bavariya" komandaları 1/4 finala adlayıblar.