XƏBƏR LENTİ
29 May 2025
28 May 2025
27 May 2025
26 May 2025
25 May 2025
23 May 2025
22 May 2025



Qarabağ qaziləri Qran-pri yarışında qüvvələrini sınayacaqlar
İdman 21:27 / 24.05.2023

Para-atletika üzrə millimizin üzvləri, Qarabağ qaziləri Ömər Bozbaxov və Ramiz Sadıqlı İsveçrənin Notvil şəhərində təşkil olunacaq Qran-pri yarışında iştirak edəcəklər.

Milli Paralimpiya Komitəsindən verilən məlumata görə, onlar nüvə itələmə növündə mübarizə aparacaqlar. Hər iki atlet Beynəlxalq Paralimpiya Komitəsinin qaydalarına uyğun olaraq idmançılar üçün təşkil edilmiş tibbi təsnifatdan uğurla keçib.

Qran-pri cari ilin iyulunda Fransanın paytaxtı Parisdəki dünya çempionatına lisenziya qazandırır.

Qeyd edək ki, daha əvvəl yığmanın üzvü, Qarabağ qazisi Rasim Yaxin dünya çempionatında iştirakını təmin edib.


16807 oxunub