İdman 16:24 / 27.03.2023
Bu günlərdə Cəlilabad Rayon İcra Hakimiyyətinin başçısı Rafiq Cəlilov beynəlxalq yarışlarda yüksək nəticə qazanmış MMA döyüşçüsü Xəyal Caniyevlə görüşüb. Rafiq Cəlilov görüşdə ölkəmizdə idmanın və bədən tərbiyəsinin inkişafı sahəsində böyük uğurlardan söz açıb. Azərbaycanın dünyada idman ölkəsi kimi tanındığını söyləyən icra başçısı bildirib ki, ölkə idmançılarının Dünya, Avropa çempionatlarında, Olimpiya Oyunlarında, eləcə beynəlxalq yarışlarda qazandıqları parlaq qələbələr məhz bu əvəzsiz qayğının parlaq nəticələridir.
Qazandığı qələbələr münasibətilə əfsanəvi idmançını təbrik edən icra başçısı ona qarşıdakı yarışlarda yeni nailiyyətlər arzulayıb və göstərdiyi yüksək nailiyyətlərə görə onu təltif edib. Respublikamızda idmanın inkişafına göstərilən dövlət qayğısından ürəkdolusu danışan Xəyal bütün bunlara görə ölkə rəhbərliyinə minnətdarlığını bildirib.
Qeyd edək ki, Cəlilabad rayonu Bəcirəvan kəndində anadan olan Xəyal dünyanın ən güclü MMA döyüşçülərindən biridir. Azərbaycanlı idmançı peşəkar səviyyədə 50 döyüşdən 46-da qələbə qazanıb (16 KO/ TKO). Üçqat dünya, üçqat Avropa çempionu olan Xəyal dəfələrlə muay-tay və K-1 idman növü üzrə dünya birincisi adını qazanıb.
Zəfər Orucoğlu,
Azərbaycan Jurnalistlər Birliyinin üzvü
2279 oxunub
.jpg)
