Stolüstü tennisçilərimiz Türkiyədə uğurla çıxış ediblər

İdman

26.03.2023, 14:08

Yeniyetmə və gənc stolüstü tennisçilərdən ibarət seçmə komandamız Türkiyədə keçirilən "Pro-Tur” yarışında mübarizə aparıblar. Antalyada təşkil olunan turnirdə 10 idmançımız bacarığını nümayiş etdirib. Təmsilçilərimiz turnirdə uğurla çıxış edərək mükafatçılar sırasında yer alıblar. Stolüstü tennisçilərimizdən Yağmur Məmmədli beynəlxalq turnirin gümüş mükafatını qazanıb. Yarışın qrup mərhələsini ikinci yerdə başa vuran yeniyetmə idmançı 1/4 finalda Duru Kırbacı, yarımfinalda isə Gülce Dönməzi mübarizədən kənarlaşdırıb. Finalda isə Nil Basarana uduzan Yağmur turnirin gümüş mükafatına layiq görülüb.

Digər stolüstü tennisçimiz Mərziyyə Nurmətova isə bürünc mükafata layiq görülüb. Yarışın qrup mərhələsində Almaniya və Türkiyə idmançılarını üstələyən M.Nurmətova səkkizdəbir finalda türkiyəli rəqibini, ardınca komanda yoldaşı Aylin Əsgərovanı mübarizədən kənarlaşdırsa da, yarımfinalda Çin Taypeyi idmançısına uduzaraq bürünc medalla kifayətlənib.

Komandamıza növbəti bürünc medalı Onur Quluzadə ilə Yağmur Məmmədli qarışıq-qoşa yarışlarında qazandırıb. Səkkizdəbir finalda Türkiyəni təmsil edən Nehir Çinar - Çelik Yağız cütünə qalib gələn idmançılarımız ardınca Elif Akyürek – Ahmed Gülenler (Türkiyə) cütlüyünü də mübarizədən kənarlaşdırıblar.

Yarımfinalda yerli Görkem Ocal - Busra Demir cütünə uduzan stolüstü tennisçilərimiz fəxri kürsünün üçüncü pilləsində qərarlaşıblar.

Qeyd edək ki, beynəlxalq dərəcəli hakimlər Könül Mikayılova ilə Zaur Mikayılov turnirin oyunlarını idarə ediblər.

Paylaşın

Dİgər xəbərlər

18.05.2026, 19:22

“Beşiktaş” baş məşqçisi ilə yollarını ayırdı

18.05.2026, 18:43

Astana sınağı üç medalla yadda qaldı

18.05.2026, 18:33

Region Liqasının qalibi müəyyənləşdi

18.05.2026, 18:19

AFFA beynəlxalq forumda interaktiv futbol zonası qurdu

18.05.2026, 17:43

Mirəli Seyidovun xatirəsinə həsr olunmuş karate turniri başa çatıb

18.05.2026, 16:55

Türkdilli ölkələrin çempionatında medal qazanan Azərbaycan şahmatçıları mükafatlandırılıb

18.05.2026, 16:29

Fərid Xəlilov Avropa Kamandan Oxatma Federasiyasının komitəsinə seçilən ilk azərbaycanlı olub

18.05.2026, 16:05

WUF13 ərəfəsində qadın və qız idmançılar üçün inklüziv antidopinq yanaşmalarına həsr olunmuş beynəlxalq konfrans

18.05.2026, 10:53

FIG-dən Rusiya və Belarus idmançılarına yaşıl işıq

18.05.2026, 10:34

Cüdoçularımız Rusiyadan 2 medalla qayıdıblar

18.05.2026, 10:15

Pəhləvanlarımız Samokov sınağını 15 medalla başa vurdular

18.05.2026, 00:36

Avropa çempionatında bürünc medal