Növbəti cüdo təlim mərkəzi istifadəyə verildi

İdman

01.02.2023, 17:06

Sabirabadda cüdo təlim mərkəzinin istifadəyə verilməsi ilə bağlı tədbir keçirilib. Öncə Sabirabad icra başçısının müavini Ceyran Xəlilova, Azərbaycan Cüdo Federasiyasının (ACF) vitse-prezidenti Elnur Məmmədli, qurumun baş katib Rəşad Rəsullu, ACF prezidentinin müşaviri Natiq Bağırov, rayon gənclər və idman idarəsinin rəisi Nadir Quliyev rayon ictimaiyyətinin nümayəndələri və digər rəsmi şəxslər mərkəzdə yaradılan şəraitlə tanış olublar.

Bildirilib ki, istifadəyə verilən cüdo təlim mərkəzi Sabirabadda bu idman növünün inkişafında mühüm rol oynayacaq. Yüksək səviyyədə təmir edilən mərkəzin ümumi sahəsi 322 m2 təşkil edir. Təlim mərkəzində bir dojo (cüdo məşq zalı) və bir fiziki hazırlıq zonası var. Onların sahəsi müvafiq olaraq 160 m2 və 46 m2-dir. Məşq zalı Beynəlxalq Cüdo Federasiyasının rəsmi təchizatçısı olan "Taishan” firmasının tatamiləri ilə təchiz olunub. Fiziki hazırlıq zonası məşğələlər üçün vacib olan zəruri avadanlıqlarla təchiz edilib.

Təlim mərkəzində idmançılar üçün lazımi şərait təmin edilib. Mərkəzdə məşqçi otağı, idmançılar üçün soyunub-geyinmə otaqları, duş və sanitar qovşaqlar mövcuddur. Həmçinin, təlim mərkəzi müasir isitmə sistemi ilə təmin edilib. Burada ay ərzində 200 nəfərə qədər uşaq, yeniyetmə və gənc cüdo ilə məşğul ola biləcək.

Tədbir günü Sabirabadan olan cüdoçular üçün dünya mükafatçısı Natiq Bağırov tərəfindən ustad dərsi keçirilib.

ACF-in vitse-prezidenti Elnur Məmmədli bildirib ki, Sabirabadda yeni istifadəyə verilən təlim mərkəzi Sabirabaddacüdonun daha da kütləvləşdirilməsi, yeniyetmələrin və gənclərin fiziki və mənəvi tərbiyəsinə öz töhfəsini verməklə yanaşı, gələcəkdə milli komandaların üzvü ola biləcək istedadlı idmançıların aşkarlanması baxımından da mühüm əhəmiyyət kəsb edir. Vitse-prezidentin sözlərinə görə, federasiya bundan sonrada regionlarda yeni cüdo məşq zallarının inşasına və bərpasına xüsusi diqqət ayıracaq.

Qeyd edək ki, regionlarda cüdo idman növü üzrə infrastrukturun yaxşılaşdırılması və təkmilləşdirilməsi ACF-in müəyyən etdiyi əsas fəaliyyət istiqamətlərindən biridir. İndiyə qədər Gəncədə, Ağstafada və Sabirabadda istifadəyə verilən cüdo zalları ilə yanaşı, hazırda Sumqayıt, Zaqatala və Qazax şəhərlərində də müvafiq zalların təmir-tikinti işləri həyata keçirilməkdədir. Həmçinin, son bir il müddətində ACF tərəfindən 40-dan artıq cüdo idman zalına 3000-ə yaxın cüdo tatamisi paylanılması reallaşdırılıb. Federasiya digər şəhər və regionlarda da maddi-texniki bazanın təkmilləşdirilməsi üçün 2023-cü il ərzində davamlı olaraq fəaliyyət göstərəcək.

Paylaşın

Dİgər xəbərlər

23.09.2026, 15:42

Xüsusi Olimpiya Komitəsində məşqçilərlə görüş olub

23.09.2026, 15:27

Futbola həsr olunan ömür

23.09.2026, 13:35

Azərbaycan Qran-Prisi ərzində azarkeşlər üçün əyləncə proqramı hazırlanıb

$\"Neftçi\" Avropa Kubokunda mübarizəyə başlayır$
23.09.2026, 11:34

"Neftçi" Avropa Kubokunda mübarizəyə başlayır

23.09.2026, 11:08

Şahmat millilərimiz bu gün olimpiadada növbəti görüşlərini keçirəcəklər

23.09.2026, 10:51

Millimiz Bakıda Tacikistan yığması ilə qarşılaşacaq

23.09.2026, 10:33

Daha üç boksçumuz Avropa çempionatının yarımfinalına vəsiqə qazanıb

22.09.2026, 22:07

Cüdoçularımız Sarayevoda beynəlxalq turnirdə iştirak edəcəklər

22.09.2026, 21:46

Veteran cüdoçularımızdan dünya çempionatında daha iki qızıl medal

22.09.2026, 13:20

Cüdoçularımız kata üzrə dünya çempionatında iştirak edəcəklər

22.09.2026, 13:14

Azərbaycan - Çexiya matçına hakim təyinatları açıqlanıb

22.09.2026, 12:46

AŞF rəsmisi Ümumdünya Şahmat Olimpiadasında seans keçirib