XƏBƏR LENTİ
01 Mart 2024
29 Fevral 2024
28 Fevral 2024
27 Fevral 2024



Cüdo Federasiyası bu il üçün əsas fəaliyyət hədəfləri və planlarını müəyyənləşdirib
İdman 21:43 / 22.01.2023

Azərbaycan Cüdo Federasiyasının (ACF) İcraiyyə Komitəsinin iclası keçirilib. İclasda 2022-ci il üzrə fəaliyyətin nəticələri və 2023-cü il üçün yeni hədəflər müzakirə edilib.

Qeyd edilib ki, ötən il milli yığmaların işinin təşkili, ölkədə cüdonun inkişafı və kütləviləşdirilməsi, fəaliyyətin rəqəmsallaşdırılması, hakimlərin və məşqçilərin peşəkar səviyyəsinin artırılması, maddi-texniki infrastrukturun yaxşılaşdırılması, təhsil layihələrinin reallaşdırılması, daxili yarışların sayının və səviyyəsinin artırılması, regionlarda cüdonun inkişafı istiqamətində hərtərəfli və kompleks fəaliyyət göstərilib.

Həmçinin, 2023-cü il üçün federasiyanın əsas fəaliyyət hədəfləri və planları üzrə sənəd İcraiyyə Komitəsinə təqdim edilib.

2022-ci il üzrə hesabat və cari il üzrə planlar ətrafında aparılan müzakirələr zamanı İcraiyyə Komitəsinin üzvləri görülən işləri yüksək qiymətləndirərək, öz tövsiyələrini və fikirlərini bildiriblər.


10052 oxunub

InvestAZ