SON XƏBƏRLƏR

BÜTÜN XƏBƏRLƏR

MOK və ”Visa” arasında tərəfdaşlıq müqaviləsi yenilənib

MOK və ”Visa” arasında tərəfdaşlıq müqaviləsi yenilənib

MOK

09.06.2026, 12:50

İyunun 9-da Milli Olimpiya Komitəsi (MOK) və rəqəmsal ödənişlər üzrə qlobal lider olan “Visa” şirkəti arasında tərəfdaşlıq müqaviləsi 2026-cı il üçün yenilənib. 

Olimpiyadunyasi.com xəbər verir ki, mərasim “Beynəlxalq Maliyyə və Bankçılıq Sammiti 2026” çərçivəsində təşkil olunub.

Sazişi Milli Olimpiya Komitəsinin vitse-prezident Çingiz Hüseynzadə və “Visa” şirkətinin Azərbaycan üzrə baş direktoru və regional meneceri  Nurlan Hacıyev imzalayıblar.

Yenilənmiş müqaviləyə əsasən, “Visa” şirkəti 2026-cı il ərzində Azərbaycan Milli Olimpiya Komitəsinin və Azərbaycan Milli Olimpiya Komandasının rəsmi tərəfdaşı qismində çıxış edəcək. 

Tərəfdaşlıq çərçivəsində şirkət il ərzində təşkil olunacaq beynəlxalq yarışlarda komandanı dəstəkləməklə yanaşı, Komitənin fəaliyyət və təşəbbüslərinə də dəstək verəcək. 

Buna Dakar-2026 Yeniyetmələrin Yay Olimpiya Oyunları, Atlanta-1996 Olimpiya Oyunlarında Azərbaycan Olimpiya yığmasının üçrəngli bayrağımız altında iştirakının 30 illik yubileyi və digər mühüm beynəlxalq idman tədbirləri daxil edilib.

“Visa” ilə əvvəlki tərəfdaşlıq Paris-2024 Yay Olimpiya Oyunlarına qədərki dövrü, yəni  2023-2024-cü illəri əhatə etmişdi. Bu müddət ərzində tərəflər birgə marketinq və kommunikasiya layihələri, idmançıların dəstəklənməsi və azarkeşlərlə əlaqələrin gücləndirilməsi istiqamətində effektiv nəticələr əldə ediblər. 

Mərasimdə çıxış edən Milli Olimpiya Komitəsinin vitse-prezidenti Çingiz Hüseynzadə tərəfdaşlığın davam etdirilməsinin əhəmiyyətindən danışıb. 

“Azərbaycan Milli Olimpiya Komitəsi olaraq beynəlxalq tərəfdaşlarla əməkdaşlığa xüsusi önəm veririk. “Visa” ilə tərəfdaşlığımızın davam etdirilməsi həm idmançılarımızın dəstəklənməsi, həm də Olimpiya dəyərlərinin geniş auditoriyaya çatdırılması baxımından mühüm əhəmiyyət daşıyır. “Visa” şirkəti Beynəlxalq Olimpiya Komitəsinin qlobal sponsorlarından biridir və hər zaman idmanın, eləcə də idmançıların yanında olub. Azərbaycan idmanı son illərdə böyük inkişaf yolu keçib. Son dövrlərdə əldə olunan nailiyyətlər bunu bir daha təsdiqləyir. Belə ki, minifutbol üzrə milli komandamız Avropa çempionu olub, 3x3 basketbol üzrə yığmamız isə Dünya Kubokunda dördüncü yeri tutub. Bu son günlərdə Azərbaycan komandalarının əldə etdiyi uğurların bir hissəsidir. Bu il Dakarda Yeniyetmələrin Yay Olimpiya Oyunları keçiriləcək. Eyni zamanda, Atlanta-1996 Yay Olimpiya Oyunlarının yubileyi qeyd olunacaq. İnanıram ki, bütün bu mühüm tədbirlərdə “Visa” şirkəti ilə əməkdaşlığımız davam edəcək və biz yenə də birlikdə olacağıq”, - deyə MOK-un vitse-prezidenti vurğulayıb. 

“Visa” şirkətinin Azərbaycan üzrə baş direktoru və regional meneceri Nurlan Hacıyev birgə əməkdaşlıqdan məmnunluğunu diqqətə çatdırıb: 

"Visa" uzun müddətdir ki, FİFA Dünya Kuboku, Olimpiya Oyunları və Paralimpiya Oyunları da daxil olmaqla elit yarışların əsas tərəfdaşı qismində çıxış edərək beynəlxalq idman növlərini dəstəkləyir. Biz idman tədbirlərinin insanları birləşdirən gücünə inanırıq və daha geniş iştirakı təşviq etmək və yerli istedadları dəstəkləməklə idmanın inkişafını təşviq etməyə diqqət ayıraraq Azərbaycanda qlobal missiyamızı irəli sürürük. Bu tərəfdaşlığın həyata keçməsində mühüm rola malik Azərbaycan Milli Olimpiya Komitəsinin adını xüsusilə qeyd etmək istərdim. Məhsuldar əməkdaşlığımızın davamı idmançılara və azarkeşlərə yeni imkanlar yaratmaqda bizə kömək edəcəkdir.”  

Dİgər xəbərlər

MOK-un əməkdaşı Gənc Olimpiya Səfirlərinin 66-cı Beynəlxalq Sessiyasında iştirak edib

23.06.2026, 16:11

MOK-un əməkdaşı Gənc Olimpiya Səfirlərinin 66-cı Beynəlxalq Sessiyasında iştirak edib
Beynəlxalq Olimpiya Günü münasibəti ilə “Xatirələrdə yaşayanlar” adlı tədbir keçirilib

23.06.2026, 14:22

Beynəlxalq Olimpiya Günü münasibəti ilə “Xatirələrdə yaşayanlar” adlı tədbir keçirilib
Paraüzgüçülük üzrə ölkə çempionatı keçirilib

18.06.2026, 16:41

Paraüzgüçülük üzrə ölkə çempionatı keçirilib
 AOK-un 55-ci Baş Assambleyası öz işinə başlayıb 

12.06.2026, 13:22

AOK-un 55-ci Baş Assambleyası öz işinə başlayıb

Milli idman federasiyaları üçün “Təhlükəsiz idman” proqramı başa çatıb

05.06.2026, 13:14

Milli idman federasiyaları üçün “Təhlükəsiz idman” proqramı başa çatıb
MOK-da Azərbaycan Kino Agentliyi ilə görüş keçirilib

25.05.2026, 15:44

MOK-da Azərbaycan Kino Agentliyi ilə görüş keçirilib
MOK-un Ədalətli Oyunlar Komissiyasının 2025-ci ilin yekunlarına həsr olunmuş mükafatlandırma mərasimi keçiriləcək

18.05.2026, 11:58

MOK-un Ədalətli Oyunlar Komissiyasının 2025-ci ilin yekunlarına həsr olunmuş mükafatlandırma mərasimi keçiriləcək
Yeniyetmə cüdoçular Liqa yarışında bir araya gələcəklər 

18.05.2026, 09:32

Yeniyetmə cüdoçular Liqa yarışında bir araya gələcəklər

Löv məşqçiliyə dönüş ehtimalını dəyərləndirdi

13.05.2026, 10:14

Löv məşqçiliyə dönüş ehtimalını dəyərləndirdi
Ümummilli lider Heydər Əliyevin vətənpərvərlik görüşləri 

10.05.2026, 01:42

Ümummilli lider Heydər Əliyevin vətənpərvərlik görüşləri

Zemfira Meftaxetdinova: \"Çalışacağıq ki, veteranlarla bağlı turnirlər mütəmadi şəkildə təşkil olunsun” 

08.05.2026, 13:20

Zemfira Meftaxetdinova: "Çalışacağıq ki, veteranlarla bağlı turnirlər mütəmadi şəkildə təşkil olunsun” 
AMADA-nın əməkdaşları federasiyalarla görüş zamanı yeni məcəllədən irəli gələn tələblərlə bağlı təqdimatla çıxış ediblər 

07.05.2026, 13:28

AMADA-nın əməkdaşları federasiyalarla görüş zamanı yeni məcəllədən irəli gələn tələblərlə bağlı təqdimatla çıxış ediblər