XƏBƏR LENTİ
21 İyul 2024
19 İyul 2024
17 İyul 2024
16 İyul 2024
15 İyul 2024
12 İyul 2024
11 İyul 2024
10 İyul 2024
09 İyul 2024
07 İyul 2024
04 İyul 2024
03 İyul 2024
02 İyul 2024



Bakı Kubokunun II mərhələsinin qalibləri mükafatlandırıldı
İdman 11:11 / 18.09.2023

Sentyabrın 16-17-də Bakı Şəhər Gənclər və İdman İdarəsi və Azərbaycan Velosiped Federasiyasının birgə təşkilatçılığı ilə trek velosipedi üzrə Bakı Kubokunun II mərhələsi keçirilib.

Respublika Velotrekində baş tutan yarışda 2005-2008-ci il (26 nəfər), 2009-cu il (19 nəfər) və 2010-2011-ci il (17 nəfər) təvəllüdlü oğlanlar mübarizə aparıblar.

Beynəlxalq Velosipedçilər İttifaqının (UCI) mövcud qaydalarına əsasən təşkil edilən yarışın birinci günü idmançılar QİT-200 m (hərəkətlə) və yerindən 1 dairə, ikinci günü isə təqiblə fərdi ötüşmə (2 km) və skretç (24 dairə) növlərində güclərini sınayıblar.

2005-2008-ci il təvəllüdlü oğlanların yarışında Tural İsrafilov (ROEQİUGVM, 12.75/25.00/02.38.20) bütün növlər üzrə ən yaxşı göstəricilərə imza ataraq birinci yerlərə layiq görülüb.

2009-cu il təvəllüdlü oğlanların mübarizəsində isə Çingiz İsayev (ROEQİUGVM, 14.15/28.30/03.07.04) QİT-200 m (hərəkətlə), yerindən 1 dairə və təqiblə fərdi ötüşmə növlərində qızıl medallar qazanıb. Bu yaş kateqoriyasında skretç növü üzrə Rüstəm Rəcəbli (Təhsil RİM) fəxri kürsünün ən yüksək pilləsinə qalxıb.

2010-2011-ci il təvəllüdlü oğlanlar arasında Cavid Baxşıyev (ROEQİUGVM, 15.09/31.80) QİT-200 m (hərəkətlə) və yerindən 1 dairə növlərində birinci yerlərdə qərarlaşıb. Bu yaş kateqoriyasında təqiblə fərdi ötüşmə növündə Ümid İsmayılov (ROEQİUGVM, 03.21.43) qızıl medal qazanıb.

Yarışdan sonra mükafatlandırma mərasimi keçirilib. Qaliblərə medal, diplom və qiymətli hədiyyələr təqdim edilib.



7416 oxunub

InvestAZ