İdman 08:37 / 28.03.2023
"İlk hissədə topla daha çox oynayırdıq. Onları çətin vəziyyətə salmışdıq. İkinci qoladək hər şey qaydasında idi”.
Bu sözləri Azərbaycan millisinin baş məşqçisi Canni De Byazi İsveçə 0:5 hesabı ilə məğlub olduqları AVRO-2024-ün seçmə mərhələ oyunundan sonra mətbuat konfransında deyib.
İtaliyalı mütəxəssis ikinci qolun həlledici olduğunu bildirib: "Top daha çox bizdə idi. İkinci topdan sonra onların hər imkanı qol oldu. Bizim də şanslarımız oldu. Rəqib fiziki cəhətdən çox güclü idi”.
67 yaşlı mütəxəssis sona yaxın gənc oyunçulara şans verdiyini vurğulayıb: "Birinci hissədə rəqibi çətin vəziyyətə salmışdıq. Rəqib reytinqdə bizdən 100 pillə irəlidədir. İkinci hissədə gənclərə şans verdim. Başa düşürəm ki, nəticə acınacaqlıdır. Amma uşaqlara deyiləcək heç nə yoxdur”.
O, 60-cı dəqiqəyə qədər komandalar arasında səviyyə fərqinin hiss olunmadığını deyib: "Yesper Karlsson bu gün cərimə zərbəsindən qol vurdu. Bizim canlı sədd də buna şərait yaratdı. İsveç fiziki cəhətdən çox güclü komandadır. Amma bir saatın tamamına qədər meydanda fərq elə də görünmürdü”.13914 oxunub
