“Böyük dəbilqə” turnirində 9 cüdoçumuz mübarizə aparacaq
İdman 10:04 / 03.02.2023
Fevralın 4-də Fransanın paytaxtı Parisdə cüdo üzrə "Böyük dəbilqə” turinə start veriləcək. 2 gün davam edəcək turnirdə Azərbaycan cüdoçuları da qüvvələrini sınayacaqlar. Millimiz yarışda 7 çəki dərəcəsi üzrə 9 idmançı ilə təmsil olunur.
Performans direktoru Mark van der Ham, böyüklərdən ibarət yığmanın baş məşqçisi Riçard Trautman və böyük məşqçi Elçin İsmayılovun rəhbərliyi altında Balabəy Ağayev (60 kq), Yaşar Nəcəfov (66 kq), Nurlan Osmanov (73 kq), Elcan Hacıyev, Zelim Tçkayev (hər ikisi 81 kq), Murad Fətiyev (90 kq), Zelim Kotsoyev (100 kq), Uşangi Kokauri və Camal Qamzatxanov (hər ikisi +100 kq) mübarizə aparacaq.
Qeyd edək ki, Böyük Dəbilqədə 85 ölkədən 535 idmançı medallar uğrunda yarışacaq.
16556 oxunub
