UEFA transfer qaydalarını dəyişmək niyyətindədir.İngiltərə çempionatının bir sıra klublarının "Çelsi"nin transferlər zamanı istifadə etdiyi metodları tənqid etməsindən sonra qurum bu barədə düşünür.UEFA "Çelsi"yə rekord transfer xərclərini 8 ilə qədər yaymağa imkan verən boşluğu bağlamağa hazırlaşır. Bir sıra Premyer Liqa klubları London təmsilçisini 8 il ərzində Mixail Mudrikin xərclərini ödəyərək maliyyə fair-pley qaydalarından yan keçməyə çalışmaqda ittiham edib. FİFA-nın nizamnaməsi müqavilənin maksimum müddətini 5 il müəyyən edir, lakin "Çelsi"nin istifadə etdiyi istisnalara icazə verilir. Qayda dəyişikliyi klubun son transferlərinə təsir etməyəcək, lakin çox güman ki, sonrakı transfer pəncərələrində onların bu cür transferləri məhdudlaşdıracaq.