SON XƏBƏRLƏR

Rüstəm Orucov: “Azərbaycanın cüdo məktəbi dünyanın ən güclülərindən biridir”

Müsahibə

28.07.2026, 11:42

Avropa Cüdo Birliyinin komissarı, cüdo üzrə Rio-2016 Yay Olimpiya Oyunlarının gümüş mükafatçısı Rüstəm Orucov “Olimpiya dünyası” qəzetinə müsahibə verib. Hazırda Səudiyyə Ərəbistanı Cüdo Federasiyasında yüksək performans üzrə baş menecer kimi fəaliyyət göstərən Rüstəm Orucov yeni işindən, qarşıya qoyduğu məqsədlərdən və Azərbaycan cüdosu barədə fikirlərini bölüşüb.

- Rüstəm, hazırda Səudiyyə Ərəbistanında fəaliyyət göstərirsən. Bu təklif necə gəldi?

- Təxminən il yarımdır Səudiyyə Ərəbistanında çalışıram. İdmançı karyeramı başa vurduqdan sonra bir neçə ölkədən təklif almışdım. Onların arasında ən sərfəli şərtləri Səudiyyə Ərəbistanı Federasiyası təqdim etdi. Həmin təklifi qəbul etdim və fəaliyyətimi orada davam etdirmək qərarına gəldim.

- Səudiyyə Ərəbistanında əsas fəaliyyət istiqamətlərin nələrdən ibarətdir?

- Hazırda yüksək performans üzrə baş menecer kimi çalışıram. Baş ofisimiz Ər-Riyaddadır. Ölkənin müxtəlif şəhərlərində hazırlıq mərkəzləri fəaliyyət göstərir ki, biz də işimizi həmin mərkəzlər vasitəsilə koordinasiya edirik. Bununla yanaşı, Avropa Cüdo Birliyində komissar kimi də fəaliyyətimi davam etdirirəm. Əsas diqqətimi isə Səudiyyə Ərəbistanı cüdosunun inkişafına yönəltmişəm. Özüm üçün yeni məqsəd müəyyənləşdirmişəm və istəyirəm ki, bu layihəni uğurla həyata keçirərək özümü təsdiqləyim.

- İşiniz konkret olaraq hansı yaş qruplarını əhatə edir?

- Bütün yaş qruplarını. Yeniyetmələr, gənclər və böyüklərlə bağlı yüksək performans proqramlarının hazırlanması, milli komandaların inkişafı və idmançıların beynəlxalq yarışlara hazırlığı əsas fəaliyyət istiqamətlərimdir.

- Səudiyyə Ərəbistanında cüdonun hazırkı vəziyyətini necə qiymətləndirirsən?

- Biz ora gələndə vəziyyət tam fərqli idi. Dünya, Avropa və Olimpiya çempionu İlias İliadislə birlikdə işə başladıq. Həmin vaxt ölkədə formalaşmış milli komanda yox idi. İlias komandada baş məşqçi kimi çalışır, biz birlikdə sistemi qurmağa başladıq. Bu gün artıq milli komanda formalaşıb, beynəlxalq arenada nəticələr əldə edirik. Asiya yarışlarında, eləcə də Afrika kuboklarında uğurlu çıxışlarımız olub. Komandanın inkişafı mərhələli şəkildə davam edir.

- Azərbaycan cüdosu ilə əməkdaşlığın inkişafı istiqamətində hansı planların var?

- Fürsət olduqca Azərbaycana gəlirəm. Məqsədlərimizdən biri də Səudiyyə Ərəbistanının yeniyetmə və gənc cüdoçularını Azərbaycana gətirməkdir. Azərbaycanın cüdo məktəbi dünyanın ən güclülərindən biridir. İstəyirik ki, onlar bizim idmançılarla birgə məşq etsinlər, təcrübə toplasınlar və daha da inkişaf etsinlər.

- Bakıda keçirilən Avropa Cüdo Ümidləri Turniri barədə təəssüratların necədir?

- Avropa Cüdo Birliyinin adından bu yarışda komissar kimi iştirak edirdim. Müxtəlif ölkələrdə çoxlu turnirlərdə olmuşam, amma etiraf etməliyəm ki, burada təşkilatçılıq çox yüksək səviyyədədir. Belə keyfiyyətli təşkil olunan yarışlara az rast gəlinir. Turnirin əsas məqsədi gənc idmançıların beynəlxalq təcrübə qazanmasıdır. Bu yarış eyni zamanda, klub məşqçiləri üçün də çox faydalıdır. Turnir çərçivəsində Yaponiya və İtaliyadan iki tanınmış cüdo mütəxəssisi ölkəmizə gəlib. Onların keçdiyi ustad dərsləri gənc idmançıların inkişafı üçün çox böyük əhəmiyyət daşıyır. Hesab edirəm ki, belə layihələrin və beynəlxalq tədbirlərin sayı gələcəkdə daha da artırılmalıdır.

Azər Əlizadə

Dİgər xəbərlər

$Hacı Əliyev: \"Hər bir güləşçimizdən uğurlu nəticə gözləyirəm\"$

20.07.2026, 13:37

Hacı Əliyev: "Hər bir güləşçimizdən uğurlu nəticə gözləyirəm"

$Şakir Quliyev: \"Dinləyicilərin sevgisini qazanmaq bizim üçün ən böyük uğur idi\" - MÜSAHİBƏ$

14.07.2026, 11:54

Şakir Quliyev: "Dinləyicilərin sevgisini qazanmaq bizim üçün ən böyük uğur idi" - MÜSAHİBƏ

30.06.2026, 13:43

Atlanta-1996 Olimpiadasının 30 ili təntənəli şəkildə qeyd olunacaq

05.06.2026, 16:20

Çingiz Hüseynzadə: “Təhlükəsiz idmanla bağlı bütün problemlər daha operativ şəkildə araşdırılacaq”

31.05.2023, 10:14

Zemfira Meftaxetdinova: “Mənim üçün ən böyük hədiyyə ətrafımdakı insanların ünvanıma dediyi xoş sözlərdir”

10.05.2023, 16:09

Cüdo yığmamızın uğursuzluğu davam edir

10.05.2023, 15:42

Fərid Mansurov - 42

10.05.2023, 15:41

Ümummilli lider Heydər Əliyevin 100 illiyinə həsr olunan şahmat seansı təşkil olunub

10.05.2023, 14:14

İdman jurnalistləri arasında şahmat turniri keçirilib

10.05.2023, 13:39

«Bu qol qeydə alınmalı deyildi»

10.05.2023, 13:21

«Həmin top autdan çıxmışdı»

10.05.2023, 11:14