SON XƏBƏRLƏR

BÜTÜN XƏBƏRLƏR

MOK-un vitse-prezidenti Çingiz Hüseynzadənin 75 yaşı tamam olur

MOK-un vitse-prezidenti Çingiz Hüseynzadənin 75 yaşı tamam olur

Gündəm

21.07.2026, 18:15

Bu gün Azərbaycan Milli Olimpiya Komitəsinin vitse-prezidenti, İslam Həmrəyliyi İdman Federasiyasının vitse-prezidenti, filologiya elmləri doktoru, professor, akademik Çingiz Hüseynzadənin 75 yaşı tamam olur. 

1951-ci il iyulun 21-də Bakı şəhərində anadan olan Çingiz Hüseynzadə uzun illər ərzində həm elm, həm də idman və Olimpiya Hərəkatı sahəsində səmərəli fəaliyyət göstərir. 

Bakı Dövlət Universitetinin şərqşünaslıq fakültəsini bitirən Çingiz Hüseynzadə 1972-ci ildə Yəmən Xalq Demokratik Respublikasında tərcüməçi kimi işləyib.  

1977-1988-ci illərdə Azərbaycan Milli Elmlər Akademiyasının Nəsimi adına Dilçilik İnstitutunda baş laborant, kiçik elmi işçi  vəzifəsində çalışıb.  

Çingiz Hüeynzadə 1981-1984-cü illərdə Liviyada tərcüməçi kimi fəaliyyətini davam etdirib. 

1988-1990-cı illərdə Azərbaycan Mədəniyyət Fondunda işləyən Çingiz Hüseynzadə 1992-ci ildə Azərbaycan Dövlət Füzuli Yubiley Komissiyasının məsul katibi təyin olunub. 

1993-cü ildə Azərbaycan Respublikası Nazirlər Kabinetinin İşlər İdarəsində elm sektoruna müdir təyin edilib. 

Çingiz Hüseynzadə 1993-1997-ci illərdə Azərbaycan Respublikası Prezident Administrasiyasında Humanitar siyasət şöbəsinin məsləhətçisi kimi çalışaraq elm, təhsil və idman sahələrinin kuratoru olub. 1997-ci ildən etibarən Azərbaycan Milli Olimpiya Komitəsinin vitse-prezidenti və İcraiyyə Komitəsinin üzvü kimi ölkədə idman və Olimpiya Hərəkatının inkişafına mühüm töhfələr verir.

2005-ci ildə "Azərbaycan dilində morfoloji norma" mövzusunda doktorluq dissertasiyası müdafiə edib. O, 100-ə yaxın elmi əsərin, "Azərbaycan dilində morfoloji norma", "Dil norması və kriminalistika" (həmmüəllif), "Orta əsrlər ərəbdilli yazılı abidələrdə türk mənşəli antroponimlər" adlı monoqrafiyaların müəllifidir.

Çingiz Hüseynzadə 1996-2023-cü illərdə Azərbaycan Atletika Federasiyasına rəhbərlik edib, 2009-cu ildən İslam Həmrəyliyi İdman Federasiyasının vitse-prezidenti və İcraiyyə Komitəsinin üzvüdür. Avropa Olimpiya Komitələrinin İcraiyyə Komitəsinin üzvü kimi AOK-un Olimpiya Oyunları Komissiyasına rəhbərlik edərək, müxtəlif beynəlxalq idman qurumlarında ölkəmizi layiqincə təmsil edib. Çingiz Hüseynzadə 1996-cı ildən etibarən Yay və Qış Olimpiya Oyunlarında Azərbaycanın rəsmi nümayəndə heyətində təmsil olunur. 

Milli Olimpiya Komitəsinin 10, 15, 20, 25, 30 illik yubiley kitablarının ideya müəllifi və Baş redaktorudur. 

Onun çoxillik fəaliyyəti dövlətimiz və beynəlxalq təşkilatlar tərəfindən yüksək qiymətləndirilib. Çingiz Hüseynzadə Azərbaycan Respublikasının Prezidenti İlham Əliyevin Sərəncamı ilə “Şöhrət” (2007) və “Şərəf” ordenləri (2021) ilə təltif olunub. O, həmçinin “Fəxri Bədən Tərbiyəsi və İdman İşçisi” fəxri adına (2001), Avropa Olimpiya Komitəsinin “Olimpiya Şöhrəti” (2010) mükafatına, Beynəlxalq Hərbi İdman Şurasının ordeninə (2018), “Heydər Əliyevin 100 illiyi (1923-2023)” yubiley medalına (2024) və digər nüfuzlu mükafatlara layiq görülüb.

Çingiz Hüseynzadəni 75 illik yubileyi münasibətilə təbrik edir, ona möhkəm cansağlığı, uzun ömür və Azərbaycanda idmanın və Olimpiya Hərəkatının inkişafı sahəsindəki fəaliyyətində yeni uğurlar arzulayırıq.

Dİgər xəbərlər

Prezident İlham Əliyevin sosial media hesablarında Dövlət Suverenliyi Günü ilə bağlı videoçarx paylaşılıb

20.09.2026, 10:45

Prezident İlham Əliyevin sosial media hesablarında Dövlət Suverenliyi Günü ilə bağlı videoçarx paylaşılıb
Bu gün Azərbaycanda Dövlət Suverenliyi Günüdür

20.09.2026, 09:05

Bu gün Azərbaycanda Dövlət Suverenliyi Günüdür
Çempionlar Liqası: \"Sabah\"ın rəqibləri müyyənləşdi - FOTO

27.08.2026, 21:17

Çempionlar Liqası: "Sabah"ın rəqibləri müyyənləşdi - FOTO
“Sabah” futbol klubuna maliyyə dəstəyi göstərilməsi haqqında Azərbaycan Respublikası Prezidentinin Sərəncamı

27.08.2026, 19:41

“Sabah” futbol klubuna maliyyə dəstəyi göstərilməsi haqqında Azərbaycan Respublikası Prezidentinin Sərəncamı
Bu gün Mehriban Əliyevanın doğum günüdür

26.08.2026, 12:01

Bu gün Mehriban Əliyevanın doğum günüdür
\"Sabah\" tarixində ilk dəfə UEFA Çempionlar Liqasının əsas mərhələsinə vəsiqə qazanıb 

25.08.2026, 23:33

"Sabah" tarixində ilk dəfə UEFA Çempionlar Liqasının əsas mərhələsinə vəsiqə qazanıb

Bakıda ilk dəfə beynəlxalq “Ironman 70.3” triatlon yarışı keçiriləcək

24.08.2026, 10:15

Bakıda ilk dəfə beynəlxalq “Ironman 70.3” triatlon yarışı keçiriləcək
Paytaxtımız beynəlxalq badminton turnirinə ev sahibliyi edəcək

07.08.2026, 10:28

Paytaxtımız beynəlxalq badminton turnirinə ev sahibliyi edəcək
FIFA U-15 və U-20 dünya çempionatlarına hazırlıq üzrə Təşkilat Komitəsinin iclası baş tutub

05.08.2026, 22:26

FIFA U-15 və U-20 dünya çempionatlarına hazırlıq üzrə Təşkilat Komitəsinin iclası baş tutub
Dünya çempionatı: Güləşçimiz gümüş medal qazandı 

02.08.2026, 19:09

Dünya çempionatı: Güləşçimiz gümüş medal qazandı

 Atlanta-1996 Yay Olimpiya Oyunlarının 30 illik yubileyi qeyd olunub 

31.07.2026, 22:54

Atlanta-1996 Yay Olimpiya Oyunlarının 30 illik yubileyi qeyd olunub

U-17 dünya çempionatı: Bu gün daha 5 yunan-Roma güləşçimiz mübarizəyə başlayacaq  

28.07.2026, 10:01

U-17 dünya çempionatı: Bu gün daha 5 yunan-Roma güləşçimiz mübarizəyə başlayacaq