Federasiya prezidenti istefa verdi
İdman 19:19 / 02.04.2019
Almaniya Futbol Federasiyasının prezidenti Raynhard Qrindel istefa verib. Buna Qrindelin vəzifəsindən sui-istifadə etməsi səbəb olub. Almaniya mətbuatı həmçinin, Qrindelin istefasında ilyarım öncə Ukrayna Futbol Federasiyasının prezidenti Qriqori Surkisin ad günü münasibətilə ona hədiyyə etdiyi 78 min avroluq saatı qəbul etməsinin də rol oynadığını yazıb. Qaydalara görə, 57 yaşlı futbol funksioneri bu barədə ya yerli federasiyanı məlumatlandırmalı, ya da onu geri qaytarmalı imiş. Ancaq bahalı hədiyyə aldığını gizlədən və bu səbəbdən yerli media tərəfindən ciddi tənqid və təzyiqlərlə üzləşən Qrindel istefa verməli olub. Qeyd edək ki, 2016-cı ildən bu vəzifədə olan Qrindeli Almaniya millisi və "Bavariya”nın sabiq üzvü Filip Lamın əvəzləyəcəyi gözlənilir.
20731 oxunub
.jpg)
