AVRO-2020: Meydan sahibləri debütantla bacarmadı
İdman 22:49 / 12.06.2021
Bu gün AVRO-2020-nin B qrupunda mübarizəyə start verilib. Qurupun ilk oyunu Danimarkada oynanılıb. Skandinaviya derbisində turnirin debütantı Finlandiya ilə Danimarka milliləri üz-üzə gəlib. Oyun meydan sahibləri üçün heç də yaxşı başlamayıb. Belə ki, matçın 42-ci dəqiqəsində "dat dinamitləri”nin futbolçusu Kristian Eriksen huşunu itirərək, yerə yıxılıb. Nəticədə matçda fasilə yaranıb. Ölüm təhlükəsi ilə üz-üzə olan 29 yaşlı yarımmüdafiəçi ilkin tibbi yardımdan sonra xəstəxanaya çatdırılıb. İki saatlıq fasilədən sonra UEFA Eriksenin səhhətinin qaydasına düşdüyünü bildirərək, matçın davam etdirilməsi barədə qərar verib. Görüş qaldığı yerdən davam etdirilib.
Oyunda hesab isə 60-cı dəqiqədə açılıb. Yoel Pohyanpalo fərqlənərək, Finlandiya millisinə qələbə qazandıran qolu vurub.
Matçın 74-cü dəqiqəsində danimarkalılar bərabərlik qolunu vurmaq imkanı əldə etsələr də, Pyer-Emil Heybyerq penaltini dəqiq yerinə yetirə bilməyib. Beləliklə, Finlandiya
millisi minimal hesablı qələbə qazanaraq turnirin ilk sensasiyasına nail olub.
17165 oxunub
Oyunda hesab isə 60-cı dəqiqədə açılıb. Yoel Pohyanpalo fərqlənərək, Finlandiya millisinə qələbə qazandıran qolu vurub.
Matçın 74-cü dəqiqəsində danimarkalılar bərabərlik qolunu vurmaq imkanı əldə etsələr də, Pyer-Emil Heybyerq penaltini dəqiq yerinə yetirə bilməyib. Beləliklə, Finlandiya
millisi minimal hesablı qələbə qazanaraq turnirin ilk sensasiyasına nail olub.
17165 oxunub
.jpg)
