"Yuventus” Çempionlar Liqasının 1/8 finalında "Atletiko” ilə cavab matçında bilet satışından rekord gəlir əldə edib. Turin təmsilçisi Madrid klubu ilə ev görüşünün biletlərindən ümumilikdə 5.5 milyon avro qazanıb. Bu isə klub tarixində rekord göstəricidir. Bundan əvvəlki rekord 2018-ci ilin noyabrında "Mançester Yunayted"lə oyuna (5 milyon avro) məxsus idi.
Qeyd edək ki, "Yuventus” "Atletiko”ya 3:0 hesabı ilə qalib gələrək 1/4 finala yüksəlib.