XƏBƏR LENTİ
29 Mart 2024
27 Mart 2024
26 Mart 2024
25 Mart 2024



Çempionlar Liqası: “Borussiya” adını 1/8 finala yazdırdı
İdman 10:09 / 03.12.2020
Çempionlar Liqasında (ÇL) V tura yekun vurulub. Turun ikinci oyun günündə 4 qrupda 8 oyun təşkil olunub. Qarşılaşmaların ardından daha bir komanda 1/8 finala vəsiqəni təmin edib. Ötən turda "Çelsi”, "Sevilya”, "Barselona”, "Yuventus”, "Bavariya”, "Mançester Siti”, dünən isə "Liverpul”la "Porto” növbəti mərhələdə iştirak hüququ qazanmışdılarsa, onlara Dortmund "Borussiya”sı da qoşulub. E qrupunda "Sevilya” üzərində səfərdə böyükhesablı qələbə "Çelsi”ni 1-ci pillədə əlçatmaz edib. "Renn”i üstələyən "Krasnodar” isə qrup üçüncüsü kimi Avropa Liqasında iştirakı rəsmiləşdirib.

F qrupunda "Latsio” ilə bərabərə qalan Dortmund "Borussiya”sı 1/8 finala adlamağı təmin edibsə, almanlara kimin yoldaş olacağına son turda İtaliya klubu ilə "Brügge” öz arasında müəyyənləşdirəcək.

G qrupundakı matçlar formal xarakter daşısa da, "Barselona” və "Yuventus” növbəti 3 xalı aktivlərinə yazdırmaqda çətinlik çəkməyiblər. Bu iki nəhəng klub son turda kimin birinci yeri tutacağına İspaniyada aydınlıq gətirəcək.

Ən gərgin mübarizə H qrupunda gedir. Bol qollu qarşılaşmada "Başakşəhər”i Türkiyədə məğlub edən "Leypsiq” şansını son tura daşımağa müvəffəq olub. "Mançester Yunayted” üzərində səfər qələbəsi qazanan PSJ həm revanşı alıb, həm də vəziyyətini yaxşılaşdırıb. Son tur öncəsi "Mançester Yunayted”, PSJ və "Leypsiq” eyni sayda xala malikdir.

15409 oxunub

InvestAZ