XƏBƏR LENTİ
17 Yanvar 2021
15 Yanvar 2021
14 Yanvar 2021
13 Yanvar 2021
12 Yanvar 2021
10 Yanvar 2021
08 Yanvar 2021
06 Yanvar 2021



Messi və Ronaldodan Maradona haqda paylaşım
İdman 12:09 / 26.11.2020
Dünya futbolunun ən məşhur simalarından biri olan Dieqo Armando Maradonanın ölümü ilə bağlı bir sıra futbolçular və klublar öz sosial şəbəkə hesablarında başsağlığı verirlər. Planetin ən güclü futbol ulduzlarından olan Lionel Messi və Kriştianu Ronaldo da Maradona barədə paylaşım ediblər.

Argentina millisinin və İspaniyanın "Barselona” klubunun futbolçusu Messi həmyerlisinin vəfat etməsinə münasibət bildirib: "Bütün argentinalılar və futbol üçün çox kədərli bir gündür. O, aramızdan ayrılır, amma heç yerə getmir, çünki Dieqo əbədidir. Onunla birlikdə yaşadığım bütün gözəl anları xatirəmdə saxlayıram və bütün ailəsinə, dostlarına başsağlığı verirəm”.

Kriştianu Ronaldo isə instaqram hesabındakı paylaşımında bu sözləri yazıb: "Bu gün bir dostumla vidalaşıram. Dünya isə əbədi dahi ilə vidalaşır... Tarixin ən yaxşılarından biri, bənzərsiz bir sehirbaz... Aramızdan çox tez ayrılır, amma sərhədsiz bir miras və əsla doldurulmayacaq bir boşluq qoyub gedir. Rahat yat. Heç zaman unudulmayacaqsan!”

1466 oxunub

InvestAZ