İdman 10:26 / 01.07.2020
Futbol üzrə İtaliya A Seriyasının 29-cu turunun növbəti oyunu keçirilib. "Cenoa” klubu öz meydanında "Yuventus”u qəbul edib. Qarşılaşma Genuyanın "Luici Ferraris” stadionunda keçirilib və qonaqların 3:1 hesablı qələbəsi ilə başa çatıb. Oyunda hesabı ikinci hissəsinin əvvəlində "Yuventus”un hücumçusu Paulo Dibala açıb. O, 50-ci dəqiqədə səhvsiz oynamaqla meydan sahiblərini məyus edib. Bundan 6 dəqiqə sonra digər hücumçu Kriştianu Ronaldo komandasının hesabdakı üstünlüyünü artırıb. Matçın 73-cü dəqiqəsində qonaqların yarımmüdafiəçisi Duqlas Kosta üçüncü qolu vurub. Bundan 3 dəqiqə sonra meydan sahiblərinin futbolçusu Andrea Pinamonti hesabdakı fərqi azaldıb. Lakin bu, ancaq təsəlli qolu olub.
"Yuventus” 72 xal toplayaraq İtaliya çempionatının yarış cədvəlində birinci yer tutur. "Cenoa” 26 xalla 17-ci yerdə qərarlaşıb.
25808 oxunub
.jpg)
