Türkiyənin "Beşiktaş" klubunun prezidenti Ahmet Nur Çebi koronavirusa yoluxub. 61 yaşlı klub rəhbərinin müalicəsinə başlanılıb. Bundan başqa mayın 13-də "Beşiktaş"ın bazasında bütün futbolçular, məşqçi heyəti və bazanın işçiləri koronavirus testi veriblər. Lakin testlərdən sonra klubun səkkiz üzvünün koronavirusa yoluxduğu müəyyənləşib. "Beşiktaş" klubu bu səbəblə məşqləri ləğv edib. Komanda hazırlıq prosesini qeyri-müəyyən müddətədək dayandırıb.
Xatırladaq ki, Türkiyə Super Liqasının iyunun 12-də bərpa olunacağı açıqlanıb.