XƏBƏR LENTİ
10 Avqust 2020
09 Avqust 2020
08 Avqust 2020
07 Avqust 2020
06 Avqust 2020



Klublararası Avropa kuboku turniri davam edir
İdman 13:38 / 12.11.2019

Monteneqroda şahmat üzrə klublararası Avropa kuboku turniri davam edir. Azərbaycanın "Vüqar Həşimov” və "Odlar Yurdu” komandalarının da mübarizə apardığı qitə kubokunda bu gün 3-cü turun oyunlarına start veriləcək.
"Vüqar Həşimov” klubu Rusiyanın "Primorsky District”, "Odlar Yurdu” komandası isə Çexiyanın "AVE Novy Bor” şahmatçıları ilə mübarizə aparacaqlar.
Qeyd edək ki, "Vüqar Həşimov” klubu birinci turda Belçikanın "Fonteine” (5:1), ikinci turda Sloveniyanın "Maribor” (4,5:1,5) komandalarını məğlub edib. "Odlar Yurdu” komandası isə birinci turda İsrailin "Rishon Lezion” komandası ilə qarşılaşmanı 4:0 hesablı qələbə ilə başa vurub, ikinci turda "Nona” (Gürcüstan) ilə heç-heçə edib.
"Vüqar Həşimov” klubunda Rauf Məmmədov, Vüqar Əsədli, Ülvi Sadıqov, Anar Allahverdiyev, Aydın Süleymanlı, Əhməd Əhmədzadə və ukraynalı qrossmeyster Nataliya Buksa, "Odlar Yurdu” komandasında isə Günay Məmmədzadə, Ülviyyə Fətəliyeva, Xanım Balacayeva, Gülnar Məmmədova və Zeynəb Məmmədyarova mübarizə aparırlar.
Noyabrın 16-dək keçiriləcək turnir 7 turdan ibarət olacaq.

4144 oxunub

InvestAZ