XƏBƏR LENTİ
20 Aprel 2024
19 Aprel 2024
18 Aprel 2024



Voleybol millisinin baş məşqçisi Tovuzda seçimlər aparıb
İdman 18:43 / 05.03.2024
Yeniyetmə və gənc oğlanlardan ibarət Azərbaycan millilərinin baş məşqçisi Cahangir Seyed Abbasi Tovuz Regional Voleybol Klubuna daxil olan bölgələr üzrə seçimlər aparıb.

Azərbaycan Voleybol Federasiyasının mətbuat xidmətindən verilən məlumata görə, Tovuz Olimpiya İdman Kompleksində təşkil olunan seçimlərdə iranlı mütəxəssis tərəfindən məşqlər də keçirilib.

Bu məşqlərdə seçimlərə yeni qatılan, eləcə də əvvəldən seçilmiş yeniyetmələr iştirak ediblər. Məşqlərdə fərqlənən və müvafiq kriteriyalara cavab verən yeniyetmələr müəyyənləşdirilərək bu ay Bakıda keçiriləcək düşərgəyə cəlb olunacaqlar.

Qeyd edək ki, seçimlərin aparılmasında məqsəd 2008-2009 və 2010-2011-ci il təvəllüdlü voleybolçulardan ibarət milli komandaların formalaşdırılmasıdır. Bu tip məşqlər digər bölgələrdə də həyata keçiriləcək.


1724 oxunub

InvestAZ