SON XƏBƏRLƏR

BÜTÜN XƏBƏRLƏR

AMADA əməkdaşları azad olunmuş ərazilərə səfər ediblər

AMADA əməkdaşları azad olunmuş ərazilərə səfər ediblər 

İdman

19.05.2026, 15:16

Azərbaycan Milli Antidopinq Agentliyinin (AMADA) əməkdaşları azad olunmuş ərazilərə səfər ediblər.

Olimpiyadunyasi.com xəbər verir ki, bu barədə AMADA-nın mətbuat xidmətindən məlumat verilib. 

Səfər çərçivəsində AMADA nümayəndələri Qarabağ Universitetində olublar. Universitetin rektoru, Agentliyin Müşahidə Şurasının üzvü Şahin Bayramov ilə keçirilən görüşdə ali təhsil ocağının fəaliyyəti, qısa müddətdə əldə olunan nailiyyətlər, azad edilmiş ərazilərdə müasir və beynəlxalq standartlara cavab verən universitetin fəaliyyət göstərməsinin əhəmiyyəti barədə fikir mübadiləsi aparılıb. Görüş zamanı gənclər arasında sağlam həyat tərzinin təşviqi, təmiz idman prinsiplərinin aşılanması və gələcək əməkdaşlıq imkanları da müzakirə olunub.

Daha sonra universitetin Hüquqşünaslıq və Tibb fakültələrinin tələbələri ilə görüş keçirilib. Tələbələrə 2027-ci ildən qüvvəyə minəcək yeni Ümumdünya Antidopinq Məcəlləsi, beynəlxalq standartlar, antidopinq qaydaları və idmanda etik davranış prinsipləri barədə ətraflı məlumat verilib, onları maraqlandıran suallar cavablandırılıb.

Səfər çərçivəsində AMADA əməkdaşları Qarabağ Universitetinin Klinikası, eləcə də Tibb və sağlamlıq elmləri fakültəsinin tədris korpusu ilə tanış olublar. Universitetdə yaradılan müasir tədris və tibbi infrastruktur, tələbələrin praktik biliklərinin artırılması istiqamətində görülən işlər barədə nümayəndələrə ətraflı məlumat təqdim edilib.

Növbəti görüş Şuşa şəhər 1 saylı tam orta məktəbdə təşkil olunub. Məktəbin direktoru Səbinə Gözəlova çıxış edərək şagirdlərin sağlam və düzgün dəyərlər əsasında formalaşmasında maarifləndirici tədbirlərin mühüm rol oynadığını vurğulayıb, gənclərin zərərli vərdişlərdən uzaq yetişdirilməsi istiqamətində həyata keçirilən təşəbbüslərə görə AMADA rəhbərliyinə təşəkkürünü bildirib. Görüş zamanı şagirdlərə dopinq və narkomaniyanın insan sağlamlığına, cəmiyyətə və idman karyerasına vurduğu zərərlər barədə məlumat verilib, sağlam və məsuliyyətli həyat tərzinin əhəmiyyəti vurğulanıb. Tədbirin sonunda məktəbin şagirdləri tərəfindən hazırlanmış bədii proqram nümayiş etdirilib.

AMADA-nın icraçı direktoru Təhminə Tağı-zadə səfərin əhəmiyyətini yüksək qiymətləndirərək azad olunmuş ərazilərdə belə maarifləndirici görüşlərin keçirilməsinin gənclər arasında sağlam həyat tərzinin təşviqi, düzgün dəyərlərin formalaşdırılması və təmiz idman prinsiplərinin təbliği baxımından mühüm rol oynadığını bildirib. O qeyd edib ki, Qarabağda yenidən formalaşan təhsil və sosial mühit gənclərin hərtərəfli inkişafı üçün geniş imkanlar yaradır. Təhminə Tağı-zadə universitet və məktəblərdə təşkil olunan görüşlərin gənclərin məlumatlılığının artırılmasına, onların zərərli vərdişlərdən uzaq durmasına və cəmiyyətə faydalı fərdlər kimi yetişməsinə töhfə verdiyini vurğulayıb. O, bu kimi təşəbbüslərin gələcəkdə də davam etdiriləcəyini və regionlarda maarifləndirmə fəaliyyətinin genişləndiriləcəyini diqqətə çatdırıb.

Dİgər xəbərlər

Çempionlar Liqası: \"Sabah\" Norveç səfərindən məğlubiyyətlə qayıdır

Bugün, 02:02

Çempionlar Liqası: "Sabah" Norveç səfərindən məğlubiyyətlə qayıdır
Dakar-2026: Çimərlik güləşi və şosse velosipedi üzrə idmançılarımız Seneqaldadır

04.11.2026, 14:49

Dakar-2026: Çimərlik güləşi və şosse velosipedi üzrə idmançılarımız Seneqaldadır
BOK prezidenti \"Dakar-2026\" qayayadırmanma stendini fəth edib

04.11.2026, 13:36

BOK prezidenti "Dakar-2026" qayayadırmanma stendini fəth edib
Azərbaycan Premyer Liqasının XI turu \"Zəfər turu\" adlandırılıb

04.11.2026, 13:05

Azərbaycan Premyer Liqasının XI turu "Zəfər turu" adlandırılıb
Federasiya prezidenti Ağsuda yeniyetmə voleybolçuların valideynləri ilə fikir mübadiləsi aparıb

04.11.2026, 12:57

Federasiya prezidenti Ağsuda yeniyetmə voleybolçuların valideynləri ilə fikir mübadiləsi aparıb
Çempionlar Liqası: \"Sabah\" Norveçdə \"Vikinq\"in qonağı olacaq

04.11.2026, 10:01

Çempionlar Liqası: "Sabah" Norveçdə "Vikinq"in qonağı olacaq
Baş məşqçi Ruslan Hətəmxanov üzgüçülərimizin Dakar-2026-dakı çıxışlarını dəyərləndirib

04.11.2026, 01:06

Baş məşqçi Ruslan Hətəmxanov üzgüçülərimizin Dakar-2026-dakı çıxışlarını dəyərləndirib
Məryəm Cavadova: \"Yeniyetmələrin Yay Olimpiya Oyunlarındakı çıxışımı yaxşı təcrübə kimi qiymətləndirirəm\"

04.11.2026, 00:35

Məryəm Cavadova: "Yeniyetmələrin Yay Olimpiya Oyunlarındakı çıxışımı yaxşı təcrübə kimi qiymətləndirirəm"
Süleyman İsmayılzadə Dakar-2026 Yeniyetmələrin IV Yay Olimpiya Oyunlarındakı çıxışını dəyərləndirib

04.11.2026, 00:21

Süleyman İsmayılzadə Dakar-2026 Yeniyetmələrin IV Yay Olimpiya Oyunlarındakı çıxışını dəyərləndirib
\"Qərbi Azərbaycanın idman tarixi\" monoqrafiyasının təqdimatı olub

03.11.2026, 19:13

"Qərbi Azərbaycanın idman tarixi" monoqrafiyasının təqdimatı olub
Dakar-2026: Süleyman İsmayılzadə çıxışını başa vurub

03.11.2026, 14:39

Dakar-2026: Süleyman İsmayılzadə çıxışını başa vurub
Dakar-2026: Bu gün daha bir bayraqdarımız üzgüçülük yarışlarında mübarizəyə başlayır

03.11.2026, 09:14

Dakar-2026: Bu gün daha bir bayraqdarımız üzgüçülük yarışlarında mübarizəyə başlayır