Türkiyədə səfərdə olan futbol ulduzu, "Arsenal” klubunun üzvü Məsut Özil ölkə Prezidentinin dəvəti ilə Dolmabaxça sarayında gənclər üçün təşkil edilmiş iftar süfrəsində iştirak edib.
"NTV” kanalının verdiyi xəbərə görə, Məsut Özil Rəcəb Tayyib Ərdoğanın Ramazan ziyafətində sevgilisi Əminə Gülşə ilə birgə iştirak edib. Məşhur türk futbolçusu Türkiyə liderini toyuna dəvət edərək şahid olmasını xahiş edib. Özilin toy mərasimi iyunun 7-də keçiriləcək.
Xatırladaq ki, 2018-ci ilin yayında – futbol üzrə dünya çempionatından öncə Məsut Özilin Rəcəp Tayyip Ərdoğanla foto çəkdirməsi və ona öz köynəyini bağışlaması alman fanatları tərəfindən tənqidlərə məruz qalmışdı. Futbolçu isə irqçi münasibətlə üzləşdiyini əsas gətirərək Almaniya millisindəki karyerasını başa vurduğunu açıqlayıb. Türkiyə lideri də bu ibrətamiz addımına görə Özilə "gözlərindən öpürəm” deyib.
20829 oxunub