Millimiz ikinci oyununu da məğlubiyyətlə başa vurdu

İdman

28.03.2023, 00:54

Avro-2024-ün seçmə mərhələsi çərçivəsində ikinci turun oyunları davam edir. Futbol üzrə Azərbaycan millisi bu mərhələdə Stokholmda İsveç yığmasının qonağı olub. "Friends Arena”da oynanılan matçı fransalı qadın baş hakim Stefani Frappar idarə edib. Matçda hesabı İsveç millisi açıb. Qarşılaşmanın 38-ci dəqiqəsində Emil Forsberq adını tabloya yazdırıb. Görüşün ilk hissəsi İsveç seçməsinin minimal üstünlüyü ilə yekunlaşıb – 1:0.

İkinci hissədə millimizin müdafiəçisi Bəhlul Mustafazadə avtoqol müəllifi olub. Oyunun 65-ci dəqiqəsində futbolçumuz topu öz qapımızdan keçirib. Matçın 79-cu dəqiqəsində Viktor Dyekereş, 88-ci dəqiqədə Yesper Karlsson futbolçularımızı meydanın mərkəzinə dəvət ediblər. 89-cu dəqiqədə isveçli futbolçu Antoni Elanqa fərqlənməklə komandasının böyük hesablı qələbəsinə imza atıb.

Beləliklə, görüş İsveç yığmasının 5:0 hesablı qələbəsi ilə başa çatıb.

Bu matç millimizin Avropa çempionatlarının seçmə mərhələlərində 70-ci oyunu olub. Komandamız qitə çempionatlarında 1994-cü ildə debüt edib. İlk matçını "Avro-1996”nın seçmə mərhələsində keçirən komandamız bu matçadək 69 oyuna çıxıb. Millimizin hesabında 6 qələbə və 10 heç-heçə var. Yığmamız bu müddətdə 53 dəfə uduzub. 42 qol vuran komandamız qapısından 169 top buraxıb.

F qrupunun ilk turunda hər iki komanda böyük hesabla məğlub olub. Belə ki, Azərbaycan millisi səfərdə Avstriya yığmasına 1:4, İsveç isə doğma meydanda Belçikaya 0:3 hesabı ilə uduzub.

Millimiz növbəti oyununu iyunun 17-də doğma meydanda Estoniya seçməsinə qarşı keçirəcək.

Paylaşın

Dİgər xəbərlər

Bugün, 15:28

Mədəni irsimizin və yaddaşımızın güzgüsü: idman tarixi, zorxanalar və inkişaf yolumuz

Bugün, 15:01

Adil Kazımlı: “Belə mötəbər yarışda Azərbaycanı təmsil etmək xüsusi əhəmiyyət daşıyır”

Bugün, 14:39

Üç güləşçimiz dünyaçempionatında məğlub oldu

Bugün, 13:35

ACF-də adaptiv cüdo üzrə təlimlər keçirilir

Bugün, 13:26

Elnur Amanov: “Ümid edirəm ki, keçdiyimiz hazırlıq prosesi uğurlu çıxış etməyimizə kömək edəcək”

Bugün, 12:36

Tunar Quliyev: “Əsas məqsədimiz ölkəmizi layiqincə təmsil etməkdir”

Bugün, 12:26

Azərbaycanın iki taekvondoçusu Yeniyetmələrin IV Yay Olimpiya Oyunlarında çıxış edəcək

Bugün, 12:05

Oyan Nəzəriani: “Ümid edirik ki, uğurlarımızı Olimpiya Oyunlarında da təkrarlaya biləcəyik”

Bugün, 11:26

İbrahim Talıbov: “İnanıram ki, Dakarda uğurlu çıxış edəcək və bayrağımızı yüksəklərə qaldıracağam”

Bugün, 11:15

Braziliya ciu-citsusu üzrə açıq turnirdə “Judo Club 2012”nin uğuru

Bugün, 11:05

Emin İskəndərov: “8 il sonra yenidən eyni uğuru təkrarlamaq istəyirik”

Bugün, 10:43

Azərbaycan Kuboku: Bu gün II təsnifat mərhələsinə yekun vurulacaq